Foto: ashyq derekkóz
Shetelde kadrlar daiarlaý jónindegi respýblikalyq komissiianyń sheshimimen 2025 jyly 225 qazaqstandyq «Bolashaq» halyqaralyq stipendiiasynyń iegeri atandy, dep habarlaidy Ult.kz.
Olardyń 152-si magistratýra baǵdarlamalary boiynsha, 16 úmitker doktorantýrada bilim alýǵa joldama aldy. Al 57 qazaqstandyq álemniń jetekshi ýniversitetteri men ǵylymi-bilim berý ortalyqtarynda kásibi taǵylymdamadan ótedi.
Baǵdarlamanyń salalyq qurylymy memlekettiń strategiialyq basymdyqtaryn kórsetedi. Stipendiattardyń 69,8 paiyzy jaratylystaný-tehnikalyq baǵyttardy tańdasa, 30,2 paiyzy qoǵamdyq-gýmanitarlyq sala boiynsha bilim alady.
Sonymen qatar, taǵy 182 qazaqstandyqqa álemniń jetekshi ǵylymi jáne zertteý ortalyqtarynda ǵylymi taǵylymdamadan ótýge stipendiia taǵaiyndaldy. Bul taǵylymdamalar otandyq ǵylym men óndiristiń damýyna serpin berip, zamanaýi bilim men ozyq tájiribeni elge engizýge baǵyttalǵan.
Memleket basshysynyń Qazaqstandy aldaǵy úsh jylda tsifrlyq memleketke ainaldyrý jónindegi tapsyrmasyna sáikes, jasandy intellekt salasynda naqty sektorǵa baǵyttalǵan mamandardy daiarlaý kúsheitiledi. Osyǵan bailanysty 2026 jyly kásibi taǵylymdamalar úshin «Jasandy intellekt júiesin paidalanýshylar» atty jańa sanat engiziledi.
Sondai-aq komissiia 2026 jyldan bastap magistratýra, doktorantýra jáne taǵylymdama aiasynda atom energetikasy salasyna mamandar daiarlaýǵa arnalǵan arnaiy sanatty bekitý týraly sheshim qabyldady.
