Almaty qalasy boiynsha «Bolashaq» Qaýymdastyǵy «Kúmis volonter» jobasyn bastaǵaly otyr.
Qazaqstanda bul qozǵalys endi qarqyndy damý ústinde jáne 50 jastan asqan aǵa býyn ókilderiniń arasynda belsendi ómir súrýdi úlgi etýde.
Osy jyldyń 18 tamyzy men 4 qyrkúiegi aralyǵynda 50 jastan asqan azamattar úshin «Kúmis volonter» jobasyna qabyldaý jariialanady. Jobaǵa qatysý úshin Qazaqstannyń 14 oblysy men respýblikalyq mańyzy bar Nur-Sultan, Almaty jáne Shymkent qalalarynan barlyq niet bildirýshiler shaqyrylady.
Jobanyń hedlainerleri – Qazaqstan, Resei, Grýziia jáne taǵy da basqa elderdiń belgili qoǵam qairatkerleri.
Bul jobanyń basty maqsaty – jas erekshelikterine qaramastan azamattardyń volonterlikke qatysýyn keńeitý. Joba baǵdarlamasyna kiretin pýnktiler:
- Bilikti jattyqtyrýshylardan arnaiy onlain-seminarlar men onlain-praktikýmdar;
- «Kúmis volonterdiń 5 qadamy» atty kýrs;
- Qyzyǵýshylyqtar boiynsha klýbtar aiasyndaǵy onlain-kezdesýler;
- «Otbasy men qoǵamdaǵy aǵa býyn men jastar arasyndaǵy bailanysty damytýdyń áleýmettik jobalaýy», «Myqty adamdardyń jumsaq daǵdylary. Jasqa degen qurmet» jáne t.b. taqyryptaǵy onlain-kezdesýler;
- Kúmis volonterlerdiń respýblikalyq onlain-forýmy;
- Belsendi volonterlerdi marapattaý jáne madaqtaý.
Joba onlain-kezdesýler formatynda 2020 jyldyń tamyz jáne qazan ailarynyń aralyǵynda ótedi.
Jobany iske asyrý merzimi: 3 ai (tamyz, qyrkúiek, qazan 2020 j.)
Uiymdastyrýshy: QR Aqparat jáne qoǵamdyq damý ministrliginiń qoldaýymen «Azamattyq bastamalardy qoldaý ortalyǵy» KEAQ memlekettik granty aiasynda Almaty q. boiynsha «Bolashaq» Qaýymdastyǵy
Akkredittatsiia: 2020 jyldyń 27 tamyzyna deiin
Barlyq suraqtar boiynsha jobanyń PR-menedjerine habarlasyńyz:
8700 088 0966 (Aisha Qasymjan)
