Bólingen qarajatqa 17 myńnan astam meditsinalyq maska men 100 konteiner antiseptik satyp alynyp, Nur-Sultan jáne Atyraý qalasy dárigerlerine berildi, dep habarlaidy elorda ákimdiginiń resmi saity.
20 naýryzda QR Tuńǵysh Prezidenti – Elbasy N.Nazarbaev COVID-19 pandemiiasyna bailanysty qazaqstandyqtarǵa úndeý tastap, kásipkerlerdi kúrdeli kezeńde kómek kórsetýge shaqyrdy.
«Bul qiyn kezeńde el-jurtqa kómekteskisi keletin jáne járdem bere alatyn adamdardyń qarajaty jinaqtalatyn respýblikalyq qor qurýdy usynamyn. Osyndai jaǵdaida burynǵysha otandyq iri kásiporyndar da qoldaý kórsetedi dep senemin», – dedi Nursultan Nazarbaev.
Bul úndeýge qazaqstandyqtardyń kópshiligi, kásipkerler men kompaniialar qoldaý bildirdi. Aktsiiaǵa munai kásibine qyzmet kórsetetin iri kompaniia «CHI» de qosyldy. Kompaniianyń negizin qalaýshy, «Bolashaq» Qaýymdastyǵy keńesiniń qurmetti múshesi Almas Qudaibergenniń bastamasymen indetpen kúreske arnaiy qarajat bólindi. Osy qarajatqa 17 myńnan astam meditsinalyq maska men 100 konteiner antiseptik satyp alyndy. Qajetti zattar Nur-Sultan men Atyraý qalalaryndaǵy dárigerlerge berildi. Sondai-aq, kompaniia qyzmetkerleri koronavirýs infektsiiasyn juqtyrǵan naýqastardy emdeitin meditsina qyzmetkerlerin qoldaý maqsatynda onlain fleshmob ótkizdi. Qatysýshylar dárigerlerge arnap eki tilde óleń oqyp, rizashylyq bildirdi. "Bolashaq" qaýymdastyǵy keńesiniń tóraǵasy Bahtiiar Máken kórsetilgen kómek úshin Qaýymdastyq múshelerine alǵys aitty.
«Otandastarymyzǵa kómektesýge múmkindigi bar qazaqstandyqtar Elbasy úndeýin nazardan tys qaldyrmai, ortaq iske óz úlesin qosatynyna senimdimiz», – dep atap ótti ol.
Esterińizge sala keteiik, CHI – qazaqstandyq munai-ken oryndaryna qyzmet kórsetetin iri kompaniia. Kompaniia Teńiz kenishinde jáne basqa da ken oryndarynda jumys istep, myńnan astam Qazaqstan azamattaryn jumyspen qamtamasyz etip otyr.
