بٶلٸنگەن قاراجاتقا 17 مىڭنان استام مەديتسينالىق ماسكا مەن 100 كونتەينەر انتيسەپتيك ساتىپ الىنىپ, نۇر-سۇلتان جەنە اتىراۋ قالاسى دەرٸگەرلەرٸنە بەرٸلدٸ, دەپ حابارلايدى ەلوردا ەكٸمدٸگٸنٸڭ رەسمي سايتى.
20 ناۋرىزدا قر تۇڭعىش پرەزيدەنتٸ – ەلباسى ن.نازارباەۆ COVID-19 پاندەميياسىنا بايلانىستى قازاقستاندىقتارعا ٷندەۋ تاستاپ, كەسٸپكەرلەردٸ كٷردەلٸ كەزەڭدە كٶمەك كٶرسەتۋگە شاقىردى.
«بۇل قيىن كەزەڭدە ەل-جۇرتقا كٶمەكتەسكٸسٸ كەلەتٸن جەنە جەردەم بەرە الاتىن ادامداردىڭ قاراجاتى جيناقتالاتىن رەسپۋبليكالىق قور قۇرۋدى ۇسىنامىن. وسىنداي جاعدايدا بۇرىنعىشا وتاندىق ٸرٸ كەسٸپورىندار دا قولداۋ كٶرسەتەدٸ دەپ سەنەمٸن», – دەدٸ نۇرسۇلتان نازارباەۆ.
بۇل ٷندەۋگە قازاقستاندىقتاردىڭ كٶپشٸلٸگٸ, كەسٸپكەرلەر مەن كومپانييالار قولداۋ بٸلدٸردٸ. اكتسيياعا مۇناي كەسٸبٸنە قىزمەت كٶرسەتەتٸن ٸرٸ كومپانييا «CHI» دە قوسىلدى. كومپانييانىڭ نەگٸزٸن قالاۋشى, «بولاشاق» قاۋىمداستىعى كەڭەسٸنٸڭ قۇرمەتتٸ مٷشەسٸ الماس قۇدايبەرگەننٸڭ باستاماسىمەن ٸندەتپەن كٷرەسكە ارنايى قاراجات بٶلٸندٸ. وسى قاراجاتقا 17 مىڭنان استام مەديتسينالىق ماسكا مەن 100 كونتەينەر انتيسەپتيك ساتىپ الىندى. قاجەتتٸ زاتتار نۇر-سۇلتان مەن اتىراۋ قالالارىنداعى دەرٸگەرلەرگە بەرٸلدٸ. سونداي-اق, كومپانييا قىزمەتكەرلەرٸ كوروناۆيرۋس ينفەكتسيياسىن جۇقتىرعان ناۋقاستاردى ەمدەيتٸن مەديتسينا قىزمەتكەرلەرٸن قولداۋ ماقساتىندا ونلاين فلەشموب ٶتكٸزدٸ. قاتىسۋشىلار دەرٸگەرلەرگە ارناپ ەكٸ تٸلدە ٶلەڭ وقىپ, ريزاشىلىق بٸلدٸردٸ. "بولاشاق" قاۋىمداستىعى كەڭەسٸنٸڭ تٶراعاسى باحتييار مەكەن كٶرسەتٸلگەن كٶمەك ٷشٸن قاۋىمداستىق مٷشەلەرٸنە العىس ايتتى.
«وتانداستارىمىزعا كٶمەكتەسۋگە مٷمكٸندٸگٸ بار قازاقستاندىقتار ەلباسى ٷندەۋٸن نازاردان تىس قالدىرماي, ورتاق ٸسكە ٶز ٷلەسٸن قوساتىنىنا سەنٸمدٸمٸز», – دەپ اتاپ ٶتتٸ ول.
ەستەرٸڭٸزگە سالا كەتەيٸك, CHI – قازاقستاندىق مۇناي-كەن ورىندارىنا قىزمەت كٶرسەتەتٸن ٸرٸ كومپانييا. كومپانييا تەڭٸز كەنٸشٸندە جەنە باسقا دا كەن ورىندارىندا جۇمىس ٸستەپ, مىڭنان استام قازاقستان ازاماتتارىن جۇمىسپەن قامتاماسىز ەتٸپ وتىر.
