«Bolashaq» baǵdarlamasynyń 30 stipendiaty Qazaqstanǵa oralýǵa daiyn, dep habarlaidy "Ult aqparat" QR BǴM baspasóz qyzmetine silteme jasap.
Qazaqstandyq stýdentter qashyqtyqtan oqytylyp, mektep oqýshylary kóktemgi demalysqa erte shyǵady. Bul týraly Ortalyq kommýnikatsiialar qyzmetiniń baspasóz konferentsiiasy barysynda QR premer-ministriniń orynbasary Eraly Toǵjanov málimdedi. Baspasóz konferentsiiasyna QR Bilim jáne ǵylym ministri Ashat Aimaǵambetov te qatysty.
Ashat Aimaǵambetovtiń aitýynsha, búgingi tańda «Bolashaq» baǵdarlamasy boiynsha 857 qazaqstandyq bilim alýda, onyń ishinde koronovirýs boiynsha qolaisyz jaǵdaiy bar birinshi sanattaǵy elderde – 19 (QHR – 9, Ońtústik Koreia – 3, Italiia – 7).
«Kóptegen sheteldik joǵary oqý oryndary qashyqtyqtan oqytý nysanyna kóshedi, osyǵan bailanysty stýdentterdiń belgili bir bóligi úilerine qaityp oralady. Sonymen qatar, biz stýdentterdi akademiialyq utqyrlyq baǵdarlamasy boiynsha oqýǵa jibermeýdi uiǵardyq. Stýdentter shetelde oqý úshin bir semestrge shyǵýy kerek bolatyn. Aǵymdaǵy jaǵdaiǵa bailanysty biz baǵdarlamany ýaqytsha toqtatý týraly sheshim qabyldadyq», – dedi ministr.
Kóptegen sheteldik oqý oryndary qashyqtyqtan bilim alýǵa kóshedi jáne stýdentter óz qalaýy boiynsha josparly túrde úilerine qaitatyndyǵyn aita ketken jón.
Búgingi tańda «Bolashaq» baǵdarlamasynyń 30 stipendiaty tildik kýrstar, akademiialyq oqý jáne taǵylymdamanyń aiaqtalýyna bailanysty (Ulybritaniia – 10, AQSh – 10, Japoniia – 3, Litva – 7) 2020 jyldyń naýryz aiynda Qazaqstanǵa oralýǵa daiyn.
