Reseidiń jetekshi tehnikalyq ýniversitetteri «Bolashaq» baǵdarlamasy boiynsha oqytatyn sheteldik joǵary oqý oryndarynyń tizimine endi. Osylaisha, Bilim jáne ǵylym ministrligi Prezidenttiń tapsyrmasyn oryndaý boiynsha tiisti jumystardy atqaryp jatyr, dep habarlaidy "Ult aqparat" BǴM baspasóz qyzmetine silteme jasap.
Tizimge barlyǵy 27 elden 200-den astam ýniversitet engizilgen. Endi tehnikalyq baǵyttaǵy mamandardy daiarlaityn tizimge reseilik JOO-lardan N.E.Baýman atyndaǵy Máskeý memlekettik tehnikalyq ýniversiteti, «MIFI» Ulttyq zertteý iadrolyq ýniversiteti, M.V.Lomonosov atyndaǵy Máskeý memlekettik ýniversiteti, Sankt-Peterbýrg memlekettik ýniversiteti jáne Máskeý fizika-tehnikalyq institýty endi.
Sondai-aq ministrlik qazirgi ýaqytta «MISiS» Ulttyq zertteý tehnikalyq ýniversitetin jáne ITMO Ulttyq zertteý ýniversitetin tizimge engizý boiynsha jumys júrgizip jatyr.
«Bolashaq» aldaǵy ýaqytta aýqymyn basqa eldermen jáne ýniversitettermen keńeitetinin atap ótken jón.
«Jalpy alǵanda tizimde álemniń 30-ǵa jýyq memleketiniń 200-den astam úzdik ýniversiteti bar. Qazaqstandyqtarǵa memleketpen qatar joǵary oqý ornyn tańdaýdyń úlken múmkindigi usynylyp otyr. Biz tek ótken jyly ǵana taǵy tórt memleketti qosyp, baǵdarlama aýqymyn keńeittik. Olardyń ishinde Avstriia, Chehiia, Irlandiia men Ońtústik Afrika bar. Sondai-aq «Bolashaq» baǵdarlamasy boiynsha Garvard ýniversitetine, Massachýsets tehnologiialyq institýtyna, Oksford ýniversitetine nemese Prinston ýniversiteti jáne taǵy basqalaryna oqýǵa túsý múmkindikteri burynǵydai qala beredi. Álemniń 200-den astam JOO-sy bar tizim Reseidiń úzdik joǵary oqý oryndarymen taǵy tolyqqany bizdiń túlekterge ýniversitet tańdaý múmkindigin odan ári ulǵaityp, tehnikalyq baǵyttar boiynsha bilim alýdyń qoljetimdiligin arttyrady. Budan bólek biz tehnikalyq baǵyttaǵy mamandyqtarǵa basymdyq berip otyrmyz», – dedi Bilim jáne ǵylym vitse-ministri Qýanysh Erǵaliev.
