AQSh-ta EKO arqyly dúniege keletin balanyń genetikalyq erekshelikterin aldyn ala tańdaýǵa baǵyttalǵan jańa naryq qalyptasyp keledi, dep habarlaidy ult.kz.
The Economist málimetinshe, Nucleus, Orchid jáne Herasight siiaqty startaptar embriondardy tek tuqym qýalaityn aýrýlardyń qaýpine qarai emes, boljamdy IQ, boi, uzaq ómir súrý múmkindigi, kóz ben shash túsi siiaqty belgiler boiynsha da baǵalai bastady.
Mysaly, Herasight qyzmetiniń quny 50 myń dollarǵa deiin jetedi. Ázirge mundai tehnologiia negizinen aýqatty amerikalyqtarǵa qoljetimdi.
Biraq onyń ǵylymi dáldigine qatysty úlken suraq bar. Zertteýlerdiń birinde 10 embrionnyń ishinen tańdaý jasalǵan jaǵdaida da boljamdy IQ ósimi orta eseppen 3 upai shamasynda bolǵan.
Iaǵni bul ázirge «aqyldy balany tańdap alý» tehnologiiasy emes. Genetika adamnyń bolashaǵyn tolyq anyqtamaidy, al mundai boljamdardyń dáldigi shekteýli.
Soǵan qaramastan, EKO arzandap, kópshilikke qoljetimdi bola tússe, bul naryqtyń kólemi orasan bolýy múmkin. Qazirdiń ózinde AQSh-ta jylyna shamamen 100 myń bala EKO arqyly dúniege keledi.
Al investorlar EKO jappai taralǵan jaǵdaida genetikalyq irikteý indýstriiasynyń jyldyq áleýetin 400–500 milliard dollarǵa baǵalap otyr.
Eń úlken suraq endi tehnologiiada emes: adam balasynyń qai qasietin «tańdaýǵa bolatyn» qasiet dep esepteimiz?
