Sheremetevo áýejaiynyń dárethanasynda bosanǵan áiel qan joǵaltýdan aýrýhanada kóz jumdy, dep habarlaidy ult.kz.
«Baza» málimetinshe, 30 jastaǵy áiel Antaliadan ushyp kelgen. Máskeýdegi áýejaiǵa jetkennen keiin onyń tolǵaǵy bastalyp, dárethanaǵa barǵan. Sol jerde ul balany dúniege ákelgen. Bosanǵannan keiin áiel kabinanyń ishinde qalyp, edende otyryp, esikti aiaǵymen tirep alǵan.
Aiqai men qan izderin baiqaǵan kýágerler oǵan kómektesýge tyrysqan, alaida áiel kómekten bas tartqan. Basylymnyń jazýynsha, ol jańa týǵan náresteniń aýzyna dárethana qaǵazyn salyp, keiin sábidi qoqys jáshigine tastaǵan. Artynsha kýágerler áýejaidyń meditsinalyq qyzmetin shaqyrǵan.
Áiel kóp mólsherde jatyrdan qan ketý belgilerimen aýrýhanaǵa jetkizilgen. Alaida dárigerler onyń ómirin saqtap qala almady. Ol aýrýhanada kóz jumdy.
