2013 jylǵy álem chempiony atanǵan Merei Aqshalov bokstan Qazaqstan ulttyq quramasynyń memlekettik jattyqtyrýshysy bolyp taǵaiyndaldy, dep habarlaidy "Ult aqparat" federatsiiaǵa silteme jasap.
«QR Mádeniet jáne sport ministriniń buiryǵymen 2013 jylǵy álem chempiony Merei Aqshalov bokstan Qazaqstan ulttyq quramasynyń memlekettik jattyqtyrýshysy laýazymyna taǵaiyndaldy», - delingen habarlamada.
Merei Tólegenuly 1988 jyly 8 mamyrda Shyǵys Qazaqstan oblysynda dúniege kelgen. Ekonomika, quqyqtaný, dene shynyqtyrý jáne sport mamandyqtary boiynsha birqatar joǵary oqý oryndarynda bilim alǵan.
Sporttyq mansabynda birneshe dúrkin Qazaqstan chempiony, kóptegen halyqaralyq týrnirlerdiń jeńimpazy, 2013 jylǵy álem jáne Aziia chempionattarynyń altyn júlde iegeri atanǵan.
Sondai-aq ol - Beijiń-2008 Olimpiada oiyndarynyń qatysýshysy.
Aita keteiik, Merei Aqshalov sporttaǵy karerasyn 2014 jyly densaýlyǵyna bailanysty aiaqtaǵan bolatyn.
2021 jyldyń mamyr aiynda ol Aqmola oblysy Shortandy aýdany ákiminiń orynbasary bolyp taǵaiyndalǵan bolatyn.
