Lázzat Kúngeibaeva Iordaniia astanasy Amman qalasynda ótip jatqan bokstan Aziia chempionatynda finalǵa shyǵa almady, dep habarlaidy QazAqparat.
Álem chempiony, el quramasyndaǵy asa tájiribeli boksshylardyń biri Lázzat Kúngeibaeva jarysty birden jartylai finaldan bastady.
Lázzat asa aýyr salmaqta úndistandyq Alfiia Taranným Akrammen qolǵap túiistirdi.
Alǵashqy eki raýndta úndistandyq boksshynyń belsendiligi baiqaldy. Úshinshi kezeńde Lázzat qansha tyrysqanymen, eshteńe ózgerte almady. Jeńis úndistandyq sportshynyń enshisinde ketti – 0:5.
Osymen kúndizgi sessiia aiaqtaldy. Kúndizgi sessiiada Qazaqstan namysyn qorǵaǵan tórt boksshynyń úsheýi qola júldemen shekteldi. Jalǵyz Jaina Shekerbekova ǵana finalǵa shyqty. Endigi úmit keshki sessiiada shyǵatyn boksshylarda.
