Iordaniia astanasy Amman qalasynda ótip jatqan bokstan Aziia chempionatynda Qazaqstan áielder quramasy medal sany jóninen ekinshi orynǵa ie boldy, dep habarlaidy QazAqparat.
Qazaqstandyq qyzdar 3 altyn, 1 kúmis jáne 5 qola júldemen marapattaldy.
Alýa Balqybekova (48 kg), Jaina Shekerbekova (54 kg) jáne Karina Ibragimova (57 kg) altyn alsa, Gúlsaia Erjan (81 kg) kúmispen kúpteldi.
Sondai-aq Nazym Qyzaibai (50 kg), Jazira Oraqbaeva (52 kg), Mádina Nurshaeva (66 kg), Dariǵa Shákimova (70 kg) jáne Lázzat Kúngeibaeva (+81 kg) qola medaldi qanaǵat tutty.
Medaldar jóninen Úndistan qyzdary kósh bastasa, japoniialyqtar úzdik úshtikti túiindedi.
Áielder arasynda 2022 jylǵy Aziia chempionatynyń medaldar esebi:
1. Úndistan — 4-1-2
2. Qazaqstan — 3-1-5
3. Japoniia — 1-4-0
4. Ońtústik Koreia — 1-1-4
5. Ózbekstan — 1-1-1
6. Taivan — 1-0-2
7. Vetnam — 1-0-1
8. Tailand — 0-2-1
9. Mońǵoliia — 0-1-4
10. Iordaniia — 0-1-1
11. Filippin — 0-0-2.
Medal básekesi erteń erler arasynda ótetin finaldyq jekpe-jekterde de qyza túsedi. Munda qazaqstandyqtardyń negizgi qarsylastary ózbekstandyqtar bolmaq. Finalǵa Qazaqstannan toǵyz, Ózbekstannan jeti boksshy joldama alsa, solardyń beseýi ózara myqtyny anyqtaidy.
