Búgin Reseidiń Ekaterinbýrg qalasynda bokstan Álem chempionatynyń shirekfinaldyq jekpe-jekteri ótedi. Jarystyń bul satysynda qazaqstandyq jeti boksshy synǵa túsedi, dep habarlaidy "Ult aqparat".
Qazaqstandyq bylǵary qolǵap sheberleriniń qarsylastary anyqtaldy. Nur-Sultan ýaqytymen 16.00-de bastalatyn kúndizgi jekpe-jekterde Sáken Bibosynov (52 keli) armeniialyq Artýr Oganesianmen, Tursynbai Qulahmet (75 keli) te sol eldiń ókili Arman Darchinianmen qolǵap túiistirse, Vasilii Levit (91 keli) iordaniialyq Hýssein Iashaishpen sharshy alańǵa shyǵady.
Al keshki jekpe-jekter elorda ýaqytymen 20.00-de bastalady. Bul ýaqyttarda Abylaihan Júsipov (69 keli) Dominikan Repýblikasynan kelgen Roan Polankomen, Bekzat Nurdáýletov (81 keli) túrkiialyq Bairam Malkanmen, Qamshybek Qońqabaev (91 keliden joǵary) Germaniiadan kelgen Nelvi Tilfakpen, Qairat Eráliev (57 keli) ózbekstandyq Mirazizbek Mirzahalilovpen kezdesedi.
Jartylai finalǵa joldama alǵan boksshylar 20 qyrkúiekte judyryqtasady. Al 21 qyrkúiekte chempiondar anyqtalady.
Qazaqstan quramasy Álem chempionatyna 1993 jyldan beri turaqty qatysyp keledi. Sodan beri barlyǵy 40 medalǵa qol jetkizdi. Medaldiń 11-i «altyn», 12-i «kúmis» jáne 17-i «qola».
Budan buryn qazaqstandyq jeti boksshynyń shirek finalǵa joldama alǵanyn habarlaǵan edik.
