بٷگٸن رەسەيدٸڭ ەكاتەرينبۋرگ قالاسىندا بوكستان ەلەم چەمپيوناتىنىڭ شيرەكفينالدىق جەكپە-جەكتەرٸ ٶتەدٸ. جارىستىڭ بۇل ساتىسىندا قازاقستاندىق جەتٸ بوكسشى سىنعا تٷسەدٸ, دەپ حابارلايدى "ۇلت اقپارات".
قازاقستاندىق بىلعارى قولعاپ شەبەرلەرٸنٸڭ قارسىلاستارى انىقتالدى. نۇر-سۇلتان ۋاقىتىمەن 16.00-دە باستالاتىن كٷندٸزگٸ جەكپە-جەكتەردە سەكەن بيبوسىنوۆ (52 كەلٸ) ارمەنييالىق ارتۋر وگانەسيانمەن, تۇرسىنباي قۇلاحمەت (75 كەلٸ) تە سول ەلدٸڭ ٶكٸلٸ ارمان دارچينيانمەن قولعاپ تٷيٸستٸرسە, ۆاسيليي لەۆيت (91 كەلٸ) يوردانييالىق حۋسسەين ياشايشپەن شارشى الاڭعا شىعادى.
ال كەشكٸ جەكپە-جەكتەر ەلوردا ۋاقىتىمەن 20.00-دە باستالادى. بۇل ۋاقىتتاردا ابىلايحان جٷسٸپوۆ (69 كەلٸ) دومينيكان رەپۋبليكاسىنان كەلگەن روان پولانكومەن, بەكزات نۇردەۋلەتوۆ (81 كەلٸ) تٷركييالىق بايرام مالكانمەن, قامشىبەك قوڭقاباەۆ (91 كەلٸدەن جوعارى) گەرمانييادان كەلگەن نەلۆي تيلفاكپەن, قايرات ەرەليەۆ (57 كەلٸ) ٶزبەكستاندىق ميرازيزبەك ميرزاحاليلوۆپەن كەزدەسەدٸ.
جارتىلاي فينالعا جولداما العان بوكسشىلار 20 قىركٷيەكتە جۇدىرىقتاسادى. ال 21 قىركٷيەكتە چەمپيوندار انىقتالادى.
قازاقستان قۇراماسى ەلەم چەمپيوناتىنا 1993 جىلدان بەرٸ تۇراقتى قاتىسىپ كەلەدٸ. سودان بەرٸ بارلىعى 40 مەدالعا قول جەتكٸزدٸ. مەدالدٸڭ 11-ٸ «التىن», 12-ٸ «كٷمٸس» جەنە 17-ٸ «قولا».
بۇدان بۇرىن قازاقستاندىق جەتٸ بوكسشىنىڭ شيرەك فينالعا جولداما العانىن حابارلاعان ەدٸك.
