Serbiia astanasy Belgrad qalasynda ótip jatqan bokstan álem chempionatynda qazaqstandyq Samatáli Tóltaev ekinshi jekpe-jegin sátti ótkizdi, dep habarlaidy QazAqparat.
Bul joly Samatáli (60 keli) kolýmbiialyq Dývan Sýleta Morenomen sheberlik baiqasty.
Birinshi raýndta qarsylastar teń deńgeide judyryqtasty. Nátijesinde 3 tóreshi Camatálige qoldaý bildirse, ekeýi kolýmbiialyq sportshynyń jeńgenin kórsetti.
Ekinshi raýndta da jekpe-jek tartysty órbidi. Qazaqstandyq boksshynyń kóbirek soqqy jumsaǵany baiqalyp turdy. Sol arqyly tóreshiler sheshimimen Samatáli qarsylasyn 4:1 esebimen jeńdi.
Úshinshi raýndta da qazaqstandyq boksshy senimdi oiyn kórsetti. Qorytyndy nátijede Samatáli jeńiske jetip, jarystyń kelesi satysyna shyqty. Endi ol frantsiialyq Sofian Ýmiamen sheberlik baiqasady.
Eske salsaq, alǵashqy jekpe-jeginde Samatáli Tóltaev tailandtyq Hýnatip Pidnýchty qapy qaldyrǵan edi.
Sondai-aq, búgin Mahmýd Sabyrhan (54 keli) shotlandiialyq Mettiý Makheildiń osal tusyn tapty.
