سەربييا استاناسى بەلگراد قالاسىندا ٶتٸپ جاتقان بوكستان ەلەم چەمپيوناتىندا قازاقستاندىق ساماتەلي تٶلتاەۆ ەكٸنشٸ جەكپە-جەگٸن سەتتٸ ٶتكٸزدٸ, دەپ حابارلايدى قازاقپارات.
بۇل جولى ساماتەلي (60 كەلٸ) كولۋمبييالىق دۋۆان سۋلەتا مورەنومەن شەبەرلٸك بايقاستى.
بٸرٸنشٸ راۋندتا قارسىلاستار تەڭ دەڭگەيدە جۇدىرىقتاستى. نەتيجەسٸندە 3 تٶرەشٸ Cاماتەليگە قولداۋ بٸلدٸرسە, ەكەۋٸ كولۋمبييالىق سپورتشىنىڭ جەڭگەنٸن كٶرسەتتٸ.
ەكٸنشٸ راۋندتا دا جەكپە-جەك تارتىستى ٶربٸدٸ. قازاقستاندىق بوكسشىنىڭ كٶبٸرەك سوققى جۇمساعانى بايقالىپ تۇردى. سول ارقىلى تٶرەشٸلەر شەشٸمٸمەن ساماتەلي قارسىلاسىن 4:1 ەسەبٸمەن جەڭدٸ.
ٷشٸنشٸ راۋندتا دا قازاقستاندىق بوكسشى سەنٸمدٸ ويىن كٶرسەتتٸ. قورىتىندى نەتيجەدە ساماتەلي جەڭٸسكە جەتٸپ, جارىستىڭ كەلەسٸ ساتىسىنا شىقتى. ەندٸ ول فرانتسييالىق سوفيان ۋميامەن شەبەرلٸك بايقاسادى.
ەسكە سالساق, العاشقى جەكپە-جەگٸندە ساماتەلي تٶلتاەۆ تايلاندتىق حۋناتيپ پيدنۋچتى قاپى قالدىرعان ەدٸ.
سونداي-اق, بٷگٸن ماحمۋد سابىرحان (54 كەلٸ) شوتلاندييالىق مەتتيۋ ماكحەيلدٸڭ وسال تۇسىن تاپتى.
