Serbiia astanasy Belgrad qalasynda ótip jatqan bokstan álem chempionatynda búgin el quramasynan Serik Temirjanov jarystyń kelesi satysyna shyqty, dep habarlaidy QazAqparat.
Serik Temirjanov (57 keli) 1/16 finalda japoniialyq Reito Tsýtsýmimen sheberlik baiqasty.
Jekpe-jek barysynda Serik senimdi oiyn kórsetti. Ekinshi raýndta qarsylasyn nokdaýnǵa jiberdi. Úshinshi raýndta da jinaqy qimyldady. Tóreshiler qazaqstandyq boksshynyń jeńgenine qoldaý bildirdi. Osylaisha ol 1/8 finalǵa joldama aldy.
Budan buryn Serik mońǵoliialyq Enh-Amar Harhýýmdy qapy qaldyrǵan edi.
Sondai-aq, búgin elorda ýaqytymen 00:00-de Abylaihan Júsipov (67 keli) venesýelalyq Kristian Palasiomen kezdesedi.
Eske salsaq, ulttyq qurama sapynda Temirtas Júsipov (48 keli), Mahmýd Sabyrhan (54 keli), Samatali Tóltaev (60 keli), Sanatali Tóltaev (63,5 keli), Nurbek Oralbai (80 keli), Aibek Oralbai (92 keli) sharshy alańǵa shyqqan joq. Al Sáken Bibosynov (51 keli), Abylaihan Júsipov (67 keli), Nurqanat Raiys (75 keli alǵashqy jekpe-jeginde jeńiske jetti.
El quramasynan keshe Bek Nurmaǵambet (86 keli) 1/16 finalda braziliialyq Keno Machadoǵa ese jiberdi.
