سەربييا استاناسى بەلگراد قالاسىندا ٶتٸپ جاتقان بوكستان ەلەم چەمپيوناتىندا بٷگٸن ەل قۇراماسىنان سەرٸك تەمٸرجانوۆ جارىستىڭ كەلەسٸ ساتىسىنا شىقتى, دەپ حابارلايدى قازاقپارات.
سەرٸك تەمٸرجانوۆ (57 كەلٸ) 1/16 فينالدا جاپونييالىق رەيتو تسۋتسۋميمەن شەبەرلٸك بايقاستى.
جەكپە-جەك بارىسىندا سەرٸك سەنٸمدٸ ويىن كٶرسەتتٸ. ەكٸنشٸ راۋندتا قارسىلاسىن نوكداۋنعا جٸبەردٸ. ٷشٸنشٸ راۋندتا دا جيناقى قيمىلدادى. تٶرەشٸلەر قازاقستاندىق بوكسشىنىڭ جەڭگەنٸنە قولداۋ بٸلدٸردٸ. وسىلايشا ول 1/8 فينالعا جولداما الدى.
بۇدان بۇرىن سەرٸك موڭعولييالىق ەنح-امار حارحۋۋمدى قاپى قالدىرعان ەدٸ.
سونداي-اق, بٷگٸن ەلوردا ۋاقىتىمەن 00:00-دە ابىلايحان جٷسٸپوۆ (67 كەلٸ) ۆەنەسۋەلالىق كريستيان پالاسيومەن كەزدەسەدٸ.
ەسكە سالساق, ۇلتتىق قۇراما ساپىندا تەمٸرتاس جٷسٸپوۆ (48 كەلٸ), ماحمۋد سابىرحان (54 كەلٸ), ساماتالي تٶلتاەۆ (60 كەلٸ), ساناتالي تٶلتاەۆ (63,5 كەلٸ), نۇربەك ورالباي (80 كەلٸ), ايبەك ورالباي (92 كەلٸ) شارشى الاڭعا شىققان جوق. ال سەكەن بيبوسىنوۆ (51 كەلٸ), ابىلايحان جٷسٸپوۆ (67 كەلٸ), نۇرقانات رايىس (75 كەلٸ العاشقى جەكپە-جەگٸندە جەڭٸسكە جەتتٸ.
ەل قۇراماسىنان كەشە بەك نۇرماعامبەت (86 كەلٸ) 1/16 فينالدا برازيلييالىق كەنو ماچادوعا ەسە جٸبەردٸ.
