Polshanyń Keltse qalasynda ótip jatqan jastar arasyndaǵy álem chempionatynda jartylai finalǵa shyqqan qazaqstandyq bes boksshynyń tórteýi aqtyq synǵa joldama aldy, dep habarlaidy "Ult aqparat" Qazaqstan boks federatsiiasyna silteme jasap.
Budan buryn jartylai finalǵa jigitter arasynda qazaqstandyq bes boksshy shyqqanyn habarlaǵan edik.
Álem chempionatynda 49 kelide synǵa túsip jatqan Sanjar Tashkenbai úndistandyq Bishvamitr Chongtamnyń osal tusyn tapty. Odan keiin 56 kelide Erbolat Sabyr reseilik Aleksei Shendrikti qapy qaldyrdy.
Sondai-aq, 60 kelidegi Elnur Súiinbai kolýmbiialyq Djon Elina Orobio Siniestrdi jeńse, Sabyrjan Aqqalyqov (64 keli) Ankit Narvaldan basym tústi.
Al Dias Moljigitov (75 keli) reseilik Mihail Ýsovqa ese jiberip, qola júldeni qanaǵat tutty.
Nátijesinde endi qazaqstandyq tórt boksshy finalda baq synaidy. Final 22-23 sáýir kúnderine belgilengen.
