پولشانىڭ كەلتسە قالاسىندا ٶتٸپ جاتقان جاستار اراسىنداعى ەلەم چەمپيوناتىندا جارتىلاي فينالعا شىققان قازاقستاندىق بەس بوكسشىنىڭ تٶرتەۋٸ اقتىق سىنعا جولداما الدى, دەپ حابارلايدى "ۇلت اقپارات" قازاقستان بوكس فەدەراتسيياسىنا سٸلتەمە جاساپ.
بۇدان بۇرىن جارتىلاي فينالعا جٸگٸتتەر اراسىندا قازاقستاندىق بەس بوكسشى شىققانىن حابارلاعان ەدٸك.
ەلەم چەمپيوناتىندا 49 كەلٸدە سىنعا تٷسٸپ جاتقان سانجار تاشكەنباي ٷندٸستاندىق بيشۆاميتر چونگتامنىڭ وسال تۇسىن تاپتى. ودان كەيٸن 56 كەلٸدە ەربولات سابىر رەسەيلٸك الەكسەي شەندريكتٸ قاپى قالدىردى.
سونداي-اق, 60 كەلٸدەگٸ ەلنۇر سٷيٸنباي كولۋمبييالىق دجون ەلينا وروبيو سينيەستردٸ جەڭسە, سابىرجان اققالىقوۆ (64 كەلٸ) انكيت نارۆالدان باسىم تٷستٸ.
ال دياس مولجٸگٸتوۆ (75 كەلٸ) رەسەيلٸك ميحايل ۋسوۆقا ەسە جٸبەرٸپ, قولا جٷلدەنٸ قاناعات تۇتتى.
نەتيجەسٸندە ەندٸ قازاقستاندىق تٶرت بوكسشى فينالدا باق سىنايدى. فينال 22-23 سەۋٸر كٷندەرٸنە بەلگٸلەنگەن.
