Serbiia astanasy Belgrad qalasynda máresine jetken bokstan álem chempionatynda medaldar sany jóninen Qazaqstan quramasy ekinshi oryndy enshiledi, dep habarlaidy QazAqparat.
Aita keteiik, álem chempionatynda el quramasy bes medal oljalady. Olardyń arasynan Temirtas Júsipov (48 keli), Sáken Bibosynov (51 keli) - altyn, Mahmýd Sabyrhan (54 keli) men Serik Temirjanov (57 keli) - kúmis, Abylaihan Júsipov (67 keli) - qola medal aldy.
Qazaqstannan keiingi orynǵa 2 altyn, 2 kúmis alǵan AQSh quramasy ie boldy. Úshinshi oryndaǵy Kýbanyń enshisinde - 2 altyn, 1 kúmis, 2 qola.
Jalpy komandalyq esep tómendegishe:
1. Kýba 3-1-2
2. Qazaqstan 2-2-1
3 . AQSh 2-2-0
4. Japoniia 2-0-0
5. Resei 1-2-2
6. Ázerbaijan 1-0-2
6. Frantsiia 1-0-2
8. Italiia 1-0-1
9. Ýkraina 1-0-0
10. Tailand 0-1-2
11. Armeniia 0-1-1
11. Belarýs 0-1-1
11. Ózbekstan 0-1-1
14. Braziliia 0-1-0
14. Túrkiia 0-1-0
16. Grýziia 0-0-2
17. Albaniia 0-0-1
17. Belgiia 0-0-1
17. Dominikan Respýblikasy 0-0-1
17.Úndistan 0-0-1
17. Iran 0-0-1
17. Ispaniia 0-0-1
17. Serbiia 0-0-1
17. Trinidad jáne Tobago 0-0-1
17. Shotlandiia 0-0-1
Eske salsaq, álem chempionatyna Qazaqstannan 13 boksshy bardy. Olardyń arasynan shirek finalda Nurbek Oralbai (80 keli), Sanatali Tóltaev (63,5 keli) Aslanbek Shymbergenov (71 keli), Samatáli Tóltaev (60 keli) pen Nurqanat Raiys (75 keli) jarys jolynan shyǵyp qaldy.
Al shirek finalǵa deiin Bek Nurmaǵambet (86 keli), Aibek Oralbai (92 keli) pen Nurlan Saparbai (92 keliden joǵary) qarsylastaryna jol berdi.
