سەربييا استاناسى بەلگراد قالاسىندا مەرەسٸنە جەتكەن بوكستان ەلەم چەمپيوناتىندا مەدالدار سانى جٶنٸنەن قازاقستان قۇراماسى ەكٸنشٸ ورىندى ەنشٸلەدٸ, دەپ حابارلايدى قازاقپارات.
ايتا كەتەيٸك, ەلەم چەمپيوناتىندا ەل قۇراماسى بەس مەدال ولجالادى. ولاردىڭ اراسىنان تەمٸرتاس جٷسٸپوۆ (48 كەلٸ), سەكەن بيبوسىنوۆ (51 كەلٸ) - التىن, ماحمۋد سابىرحان (54 كەلٸ) مەن سەرٸك تەمٸرجانوۆ (57 كەلٸ) - كٷمٸس, ابىلايحان جٷسٸپوۆ (67 كەلٸ) - قولا مەدال الدى.
قازاقستاننان كەيٸنگٸ ورىنعا 2 التىن, 2 كٷمٸس العان اقش قۇراماسى يە بولدى. ٷشٸنشٸ ورىنداعى كۋبانىڭ ەنشٸسٸندە - 2 التىن, 1 كٷمٸس, 2 قولا.
جالپى كوماندالىق ەسەپ تٶمەندەگٸشە:
1. كۋبا 3-1-2
2. قازاقستان 2-2-1
3 . اقش 2-2-0
4. جاپونييا 2-0-0
5. رەسەي 1-2-2
6. ەزەربايجان 1-0-2
6. فرانتسييا 1-0-2
8. يتالييا 1-0-1
9. ۋكراينا 1-0-0
10. تايلاند 0-1-2
11. ارمەنييا 0-1-1
11. بەلارۋس 0-1-1
11. ٶزبەكستان 0-1-1
14. برازيلييا 0-1-0
14. تٷركييا 0-1-0
16. گرۋزييا 0-0-2
17. البانييا 0-0-1
17. بەلگييا 0-0-1
17. دومينيكان رەسپۋبليكاسى 0-0-1
17.ٷندٸستان 0-0-1
17. يران 0-0-1
17. يسپانييا 0-0-1
17. سەربييا 0-0-1
17. ترينيداد جەنە توباگو 0-0-1
17. شوتلاندييا 0-0-1
ەسكە سالساق, ەلەم چەمپيوناتىنا قازاقستاننان 13 بوكسشى باردى. ولاردىڭ اراسىنان شيرەك فينالدا نۇربەك ورالباي (80 كەلٸ), ساناتالي تٶلتاەۆ (63,5 كەلٸ) اسلانبەك شىمبەرگەنوۆ (71 كەلٸ), ساماتەلي تٶلتاەۆ (60 كەلٸ) پەن نۇرقانات رايىس (75 كەلٸ) جارىس جولىنان شىعىپ قالدى.
ال شيرەك فينالعا دەيٸن بەك نۇرماعامبەت (86 كەلٸ), ايبەك ورالباي (92 كەلٸ) پەن نۇرلان ساپارباي (92 كەلٸدەن جوعارى) قارسىلاستارىنا جول بەردٸ.
