Reseidiń Ýlan-Ýde qalasynda ótip jatqan bokstan qyzdar arasyndaǵy álem chempionatynda qazaqstandyq eki boksshy jartylai finalǵa joldama aldy, dep habarlaidy "Ult aqparat".
Álem chempionatynda 64 keli salmaqta synǵa túsken Milana Safronova búgin jartylai finalda Melisa Nejdetovamen qolǵap túiistirgen bolatyn. Nátijesinde tóreshiler qazaqstandyq boksshynyń jeńgeni jóninde uiǵarym jasady.
Milana Safronova 1991 jyly Qaraǵandy oblysy Saran qalasynda dúniege kelgen. Ol álem chempionatynda budan buryn Botsvanadan kelgen Aratva Kasemangty jeńip ketti.
Sondai-aq, búgin Dina Islambekova 81 keliden joǵary salmaqta sharshy alańǵa shyqty. Ol italiandyq Flaviia Severindi tize búktirdi. Dina Islambekova 2000 jyldyń 10 tamyzynda dúniege kelgen.
Búgin 10 qazanda shirek final oiyndaryn ótkizý josparlanǵan. Al 12 qazanda aqtyq kezdesýler bolady. Al 13 qazanda finaldyq jarysta jeńimpazdar anyqtalady.
Esterińizge sala ketelik, Álem chempionatyna qazaqstandyq on boksshy bardy. Búginge deiin olardyń 6-y jarys jolynan shyǵyp qaldy.
