رەسەيدٸڭ ۋلان-ۋدە قالاسىندا ٶتٸپ جاتقان بوكستان قىزدار اراسىنداعى ەلەم چەمپيوناتىندا قازاقستاندىق ەكٸ بوكسشى جارتىلاي فينالعا جولداما الدى, دەپ حابارلايدى "ۇلت اقپارات".
ەلەم چەمپيوناتىندا 64 كەلٸ سالماقتا سىنعا تٷسكەن ميلانا سافرونوۆا بٷگٸن جارتىلاي فينالدا مەليسا نەجدەتوۆامەن قولعاپ تٷيٸستٸرگەن بولاتىن. نەتيجەسٸندە تٶرەشٸلەر قازاقستاندىق بوكسشىنىڭ جەڭگەنٸ جٶنٸندە ۇيعارىم جاسادى.
ميلانا سافرونوۆا 1991 جىلى قاراعاندى وبلىسى ساران قالاسىندا دٷنيەگە كەلگەن. ول ەلەم چەمپيوناتىندا بۇدان بۇرىن بوتسۆانادان كەلگەن اراتۆا كاسەمانگتى جەڭٸپ كەتتٸ.
سونداي-اق, بٷگٸن دينا يسلامبەكوۆا 81 كەلٸدەن جوعارى سالماقتا شارشى الاڭعا شىقتى. ول يتالياندىق فلاۆييا سەۆەريندٸ تٸزە بٷكتٸردٸ. دينا يسلامبەكوۆا 2000 جىلدىڭ 10 تامىزىندا دٷنيەگە كەلگەن.
بٷگٸن 10 قازاندا شيرەك فينال ويىندارىن ٶتكٸزۋ جوسپارلانعان. ال 12 قازاندا اقتىق كەزدەسۋلەر بولادى. ال 13 قازاندا فينالدىق جارىستا جەڭٸمپازدار انىقتالادى.
ەستەرٸڭٸزگە سالا كەتەلٸك, ەلەم چەمپيوناتىنا قازاقستاندىق ون بوكسشى باردى. بٷگٸنگە دەيٸن ولاردىڭ 6-ى جارىس جولىنان شىعىپ قالدى.
