Qazaqstandyq Jaina Shekerbekova Iordaniia astanasy Amman qalasynda ótip jatqan bokstan Aziia chempionatynda jeńimpaz atandy, dep habarlaidy "Ult aqparat" QazAqparat agenttigine silteme jasap.
Áielder arasynda qazaqstandyqtardan finalǵa birinshi bolyp 48 kelige deiingi salmaqta Alýa Balqybekova shyǵýy kerek edi. Alaida qarsylasy jaraqat alyp qalǵandyqtan, jeńis Alýaǵa berildi. Sóitip, álem birinshiliginiń kúmis júldegeri Balqybekova resmi túrde eki márte Aziia chempiony atandy.
Al Ulttyq quramadaǵy tájiribeli boksshylardyń biri, Aziia chempiony, Aziia oiyndarynyń kúmis júldegeri Jaina Shekerbekova 54 kelige deiingi salmaqta tailandtyq Djýtamas Djitpongpen altyn júldeni sarapqa saldy.
Báseke óte qyzý ótti. Boksshylar altyn úshin aianyp qalǵan joq. Nátijesinde tóreshiler jeńisti bir aýyzdan Jainaǵa berdi – 5:0.
Osylaisha, Jaina Shekerbekova Qazaqstan qorjynyna ekinshi altyndy saldy.
