Bokstan Belgradta ótip jatqan álem chempionatynda shirek finaldyq jekpe-jekter bastaldy. Qazaqstan sapynan alǵash bolyp sharshy alańǵa shyqqan Temirtas Júsipov jartylai finalǵa ótti, dep habarlaidy "Ult aqparat".
48 kelide baq synaǵan Temirtas shirek finalda ózbekstandyq Nodirjon Myrzahmedovti utty.
Tóreshiler 5:0 esebimen jeńisti qazaqstandyq boksshyǵa berdi.
Osylaishy otandasymyz álem birinshiliginiń jartylai finalyna joldama aldy. Boksshynyń enshisinde kem degende qola medal bar.
Aita ketsek, el quramasynan 1/4 finalǵa on boksshy shyqty. Olardyń qatarynda Temirtas Júsipovten basqa Sáken Bibosynov (51 keli), Mahmýd Sabyrhan (54 keli), Serik Temirjanov (57 keli), Samatáli Tóltaev (60 keli), Sanatali Tóltaev (63,5 keli) Abylaihan Júsipov (67 keli), Aslanbek Shymbergenov (71 keli), Nurqanat Raiys (75 keli) jáne Nurbek Oralbai (80 keli) búgin sharshy alańǵa shyǵady.
