بوكستان بەلگرادتا ٶتٸپ جاتقان ەلەم چەمپيوناتىندا شيرەك فينالدىق جەكپە-جەكتەر باستالدى. قازاقستان ساپىنان العاش بولىپ شارشى الاڭعا شىققان تەمٸرتاس جٷسٸپوۆ جارتىلاي فينالعا ٶتتٸ, دەپ حابارلايدى "ۇلت اقپارات".
48 كەلٸدە باق سىناعان تەمٸرتاس شيرەك فينالدا ٶزبەكستاندىق نوديرجون مىرزاحمەدوۆتٸ ۇتتى.
تٶرەشٸلەر 5:0 ەسەبٸمەن جەڭٸستٸ قازاقستاندىق بوكسشىعا بەردٸ.
وسىلايشى وتانداسىمىز ەلەم بٸرٸنشٸلٸگٸنٸڭ جارتىلاي فينالىنا جولداما الدى. بوكسشىنىڭ ەنشٸسٸندە كەم دەگەندە قولا مەدال بار.
ايتا كەتسەك, ەل قۇراماسىنان 1/4 فينالعا ون بوكسشى شىقتى. ولاردىڭ قاتارىندا تەمٸرتاس جٷسٸپوۆتەن باسقا سەكەن بيبوسىنوۆ (51 كەلٸ), ماحمۋد سابىرحان (54 كەلٸ), سەرٸك تەمٸرجانوۆ (57 كەلٸ), ساماتەلي تٶلتاەۆ (60 كەلٸ), ساناتالي تٶلتاەۆ (63,5 كەلٸ) ابىلايحان جٷسٸپوۆ (67 كەلٸ), اسلانبەك شىمبەرگەنوۆ (71 كەلٸ), نۇرقانات رايىس (75 كەلٸ) جەنە نۇربەك ورالباي (80 كەلٸ) بٷگٸن شارشى الاڭعا شىعادى.
