Iordaniia astanasy Amman qalasynda ótken bokstan Aziia chempionatynda elimizdiń erler quramasy medaldar kestesinde ekinshi orynǵa turaqtady, dep habarlaidy QazAqparat.
Qurlyqtyq dodada qazaqstandyq boksshylar 3 altyn, 6 kúmis, 3 qola medal aldy.
Medaldar kestesinde Ózbekstan 5 altyn, 2 kúmis, 3 qola medalmen kósh bastap tur. Úzdikti úshtikti 2 altyn, 2 kúmis, 1 qola medalmen Iordaniia quramasy túiindedi.
Medaldar kestesinde quramalardyń ornalasýy tómendegidei:
1. Ózbekstan - 5-2-3
2. Qazaqstan - 3-6-3
3. Iordaniia - 2-2-1
4. Tailand - 2-0-0
5. Filippin - 1-0-0
6. Úndistan - 0-1-4
6. Mońǵoliia - 0-1-4
8. Japoniia - 0-1-1
9. Qyrǵyzstan - 0-0-4
10. Iran - 0-0-2
10. Tájikstan - 0-0-2
12. Pákistan - 0-0-1
12. Taivan - 0-0-1
Eske salsaq, el quramasynan Sanjar Táshkenbai (48 keli), Aslanbek Shymbergenov, Aibek Oralbai (92 keli) chempion atandy.
Al Sáken Bibosynov (51 keli), Mahmýd Sabyrhan (54 keli), Serik Temirjanov (57 keli), Dýlat Bekbaýov (67 keli), Nurqanat Raiys (75 keli), Qamshybek Qońqabaev (92 keliden joǵary) kúmis medaldi qanaǵat tutty.
Sondai-aq, Samatáli Tóltaev (60 keli), Nurbek Oralbai (80 keli), Saǵyndyq Toǵambai (86 keli) qola júldege ie boldy.
