Qazaqstandyq kásipqoi boksshy Jánibek Álimhanulynyń kelesi qarsylasy anyqtaldy. Bul týraly sportshy óziniń jelidegi paraqshasynda jazdy, dep habarlaidy "Ult aqparat".
Jánibek Álimhanulynyń kezekti jekpe-jegi 9 qazan kúni Las-Vegastegi MGM Grand arenasynda argentinalyq Gonsalo Koriiaǵa qarsy ótedi.
Aita keteiik, J.Álimhanuly tanymal tálimger Djeims «Baddi» Makgirttiń jetekshiligimen Kaliforniiada jattyǵady.
Qazaqstandyq sportshynyń 28 naýryzǵa josparlanǵan kezekti jekpe-jegi keiinge qalyp, ótpei qalǵan edi.
«Ókinishke orai 28 naýryzda Kanadada ótetin jekpe-jek keiinge qaldy. Koronavirýstyń salqyny bizdiń jekpe-jekke de tidi. Úsh ai qan men ter shyǵaryp, qyzý daiyndalyp, jaqsy formaǵa kirip edik. Myqty sparringter jasap, QAZAQ STYLE-dy shyńdap, shoý kórsetýge daiyn bolǵanbyz. Biraq Top renk (Top Rank Promotions kompaniiasy) sportshylardyń densaýlyǵy mańyzdy dep sheshti. Bizdiń ǵana emes naýryz ben sáýirde ótetin búkil jekpe-jekter toqtatyldy», - dedi Jánibek Álimhanuly.
