قازاقستاندىق كەسٸپقوي بوكسشى جەنٸبەك ەلٸمحانۇلىنىڭ كەلەسٸ قارسىلاسى انىقتالدى. بۇل تۋرالى سپورتشى ٶزٸنٸڭ جەلٸدەگٸ پاراقشاسىندا جازدى, دەپ حابارلايدى "ۇلت اقپارات".
جەنٸبەك ەلٸمحانۇلىنىڭ كەزەكتٸ جەكپە-جەگٸ 9 قازان كٷنٸ لاس-ۆەگاستەگٸ MGM Grand ارەناسىندا ارگەنتينالىق گونسالو كوريياعا قارسى ٶتەدٸ.
ايتا كەتەيٸك, ج.ەلٸمحانۇلى تانىمال تەلٸمگەر دجەيمس «باددي» ماكگيرتتٸڭ جەتەكشٸلٸگٸمەن كاليفورنييادا جاتتىعادى.
قازاقستاندىق سپورتشىنىڭ 28 ناۋرىزعا جوسپارلانعان كەزەكتٸ جەكپە-جەگٸ كەيٸنگە قالىپ, ٶتپەي قالعان ەدٸ.
«ٶكٸنٸشكە وراي 28 ناۋرىزدا كانادادا ٶتەتٸن جەكپە-جەك كەيٸنگە قالدى. كوروناۆيرۋستىڭ سالقىنى بٸزدٸڭ جەكپە-جەككە دە تيدٸ. ٷش اي قان مەن تەر شىعارىپ, قىزۋ دايىندالىپ, جاقسى فورماعا كٸرٸپ ەدٸك. مىقتى سپاررينگتەر جاساپ, QAZAQ STYLE-دى شىڭداپ, شوۋ كٶرسەتۋگە دايىن بولعانبىز. بٸراق توپ رەنك (Top Rank Promotions كومپانيياسى) سپورتشىلاردىڭ دەنساۋلىعى ماڭىزدى دەپ شەشتٸ. بٸزدٸڭ عانا ەمەس ناۋرىز بەن سەۋٸردە ٶتەتٸن بٷكٸل جەكپە-جەكتەر توقتاتىلدى», - دەدٸ جەنٸبەك ەلٸمحانۇلى.
