Qazaqstandyq boksshy Jánibek Álimhanuly (11-0, 7 KO) AQSh-ta ringke oralýǵa daiyndyqty bastap ketti, dep habarlaidy QazAqparat Sports.kz saityna silteme jasap.
Sportshy Kaliforniia shtatyndaǵy Oksnardta Djeims «Baddi» Makgrittiń ataqty bapkeriniń zalynda jattyǵýdy bastady. Ol óziniń áleýmettik jelilerine bapkermen túsken sýretin salyp, onyń astyna «Keńsedemin» degen jazý qaldyrǵan. Sonymen qatar Jánibek jattyǵyp jatqan videosyn kórsetti.
Budan buryn Dúniejúzilik boks uiymy (WBO) Álimhanulynyń braziliialyq Eskiva Falkaomen (29-0, 20 KO) aiqasatyny týraly málimdegen. Boksshylar orta salmaqtaǵy WBO álem chempionynyń «ýaqytsha» titýly úshin jekpe-jekke shyǵady. Alaida aiqastyń dál qashan bolatyny ázirge belgisiz.
