Boksshy Temirtas Júsipov Qytaida ótken Dúniejúzilik áskeri oiyndarda chempion atandy, dep habarlaidy "Ult aqparat" Aqmola oblysynyń deneshynyqtyrý jáne sport basqarmasynyń baspasóz qyzmetine silteme jasap.
Vedomstvonyń málimetishe, Qytaidyń Ýhan qalasynda 7-shi jazǵy Dúniejúzilik áskeri oiyndary ótip, bokstan 49 keli salmaqta sharshy alańǵa shyqqan aqmolalyq bylǵary qolǵap sheberi Temirtas Júsipov birinshi oryndy jeńip aldy.
«Jerlesimiz Nigeriia, Keniia, Kolýmbiia, KHDR jáne Úndistannan kelgen boksshylarymen qolǵap túiistirdi. Bes kezdesýdiń barlyǵynda Temirtas joǵary sheberlik tanytyp, qarsylastaryn aiqyn basymdyqpen jeńdi», - deidi vedomstvonyń baspasóz qyzmetindegiler.
Týrnirdiń segizinshi kúngi nátijesi boiynsha Qazaqstan quramasy jalpy komandalyq esepte 109 eldiń ishinde 11 orynnan kórindi. Ulttyq qurama qorjynynda 4 altyn, 3 kúmis jáne 5 qola medal bar.
