Búgin Shymkent qalasynyń ákimi Murat Áitenov Serbiiada ótken bokstan eresekter arasyndaǵy álem chempionatynyń kúmis júldegeri Mahmud Sabyrhanǵa turǵyn úi sertifikatyn tabystady, dep habarlaidy "Ult aqparat".
Kezdesýge Shymkent qalasy boks federatsiiasynyń tóraǵasy A. Turysbekov qatysty.
Bylǵary qolǵap sheberine qala ákimdigi men boks federatsiiasy birlesip «Standart» turǵyn úi kesheninen 1 bólmeli páter berildi.
Sportshyny jetistigimen quttyqtaǵan qala basshysy álemdik arenada aldaǵy ýaqytta úlken jeńisterge jetetine senimdi ekenin aitty.
«Elimizdiń táýelsizdik alǵanyna biyl 30 jyl toldy. Osy ýaqyt aralyǵynda Qazaqstan sportshylary halyqaralyq arenada qazaq eliniń abyroiyn asqaqtatyp keledi. Olardyń qatarynda óziń sekildi talantty boksshylar bar. 20 jasta álem chempionatynyń finalynda synǵa túskenniń ózi úlken erlik jáne jetistik. Sen úshin úlken sporttaǵy úlken jeńister baspaldaǵy bastaldy. Endi jattyǵýdy kúsheitip, budan da biik belesti baǵyndyryp, qazaqstandyqtardy qýantýǵa kúsh jigerińdi sal. Senderge qarap jastarymyz sportpen shuǵyldanýǵa jáne salamatty ómir saltyn ustanýǵa umtylady. Jetistikterińdi kórip sender siiaqty bolýǵa talpynady. Sportshylarymyzdyń jetistikteri memlekettiń bedelin arttyrýǵa septigin tigizedi. Sondyqtan biz aldaǵy ýaqytta úlken jeńister kútemiz»,- dedi ákim.
Eske salsaq, Belgradta ótken álem chempionatynda bokstan Qazaqstan erler quramasy jalpy komandalyq esepte ekinshi orynǵa turaqtady. Temirtas Júsipov pen Sáken Bibosynov álem chempiondary atansa, Mahmud Sabyrhan men Serik Temirjanov kúmis júldege, Abylaihan Júsipov qola júldege ie boldy.
