بٷگٸن شىمكەنت قالاسىنىڭ ەكٸمٸ مۇرات ەيتەنوۆ سەربييادا ٶتكەن بوكستان ەرەسەكتەر اراسىنداعى ەلەم چەمپيوناتىنىڭ كٷمٸس جٷلدەگەرٸ ماحمۇد سابىرحانعا تۇرعىن ٷي سەرتيفيكاتىن تابىستادى, دەپ حابارلايدى "ۇلت اقپارات".
كەزدەسۋگە شىمكەنت قالاسى بوكس فەدەراتسيياسىنىڭ تٶراعاسى ا. تۇرىسبەكوۆ قاتىستى.
بىلعارى قولعاپ شەبەرٸنە قالا ەكٸمدٸگٸ مەن بوكس فەدەراتسيياسى بٸرلەسٸپ «ستاندارت» تۇرعىن ٷي كەشەنٸنەن 1 بٶلمەلٸ پەتەر بەرٸلدٸ.
سپورتشىنى جەتٸستٸگٸمەن قۇتتىقتاعان قالا باسشىسى ەلەمدٸك ارەنادا الداعى ۋاقىتتا ٷلكەن جەڭٸستەرگە جەتەتٸنە سەنٸمدٸ ەكەنٸن ايتتى.
«ەلٸمٸزدٸڭ تەۋەلسٸزدٸك العانىنا بيىل 30 جىل تولدى. وسى ۋاقىت ارالىعىندا قازاقستان سپورتشىلارى حالىقارالىق ارەنادا قازاق ەلٸنٸڭ ابىرويىن اسقاقتاتىپ كەلەدٸ. ولاردىڭ قاتارىندا ٶزٸڭ سەكٸلدٸ تالانتتى بوكسشىلار بار. 20 جاستا ەلەم چەمپيوناتىنىڭ فينالىندا سىنعا تٷسكەننٸڭ ٶزٸ ٷلكەن ەرلٸك جەنە جەتٸستٸك. سەن ٷشٸن ٷلكەن سپورتتاعى ٷلكەن جەڭٸستەر باسپالداعى باستالدى. ەندٸ جاتتىعۋدى كٷشەيتٸپ, بۇدان دا بيٸك بەلەستٸ باعىندىرىپ, قازاقستاندىقتاردى قۋانتۋعا كٷش جٸگەرٸڭدٸ سال. سەندەرگە قاراپ جاستارىمىز سپورتپەن شۇعىلدانۋعا جەنە سالاماتتى ٶمٸر سالتىن ۇستانۋعا ۇمتىلادى. جەتٸستٸكتەرٸڭدٸ كٶرٸپ سەندەر سيياقتى بولۋعا تالپىنادى. سپورتشىلارىمىزدىڭ جەتٸستٸكتەرٸ مەملەكەتتٸڭ بەدەلٸن ارتتىرۋعا سەپتٸگٸن تيگٸزەدٸ. سوندىقتان بٸز الداعى ۋاقىتتا ٷلكەن جەڭٸستەر كٷتەمٸز»,- دەدٸ ەكٸم.
ەسكە سالساق, بەلگرادتا ٶتكەن ەلەم چەمپيوناتىندا بوكستان قازاقستان ەرلەر قۇراماسى جالپى كوماندالىق ەسەپتە ەكٸنشٸ ورىنعا تۇراقتادى. تەمٸرتاس جٷسٸپوۆ پەن سەكەن بيبوسىنوۆ ەلەم چەمپيوندارى اتانسا, ماحمۇد سابىرحان مەن سەرٸك تەمٸرجانوۆ كٷمٸس جٷلدەگە, ابىلايحان جٷسٸپوۆ قولا جٷلدەگە يە بولدى.
