Qazaqstandyq boksshy Valentina Halzova halyqaralyq "Strandja" kýboginde jeńimpaz atandy, dep habarlaidy Olympic.kz.
Bolgariianyń Sofiia qalasynda bokstan "Strandja" kýbogi ótip jatyr. Jarystyń sońǵy kúninde áielder arasynda 70 keli salmaq dárejesinde úzdikter anyqtaldy. Atalǵan salmaq dárejesinde qazaqstandyq Valentina Halzova top jardy. Ol finalda reseilik Galina Golovchenkony 4:1 esebimen utty.
Aita keterligi, bokstan áielder qurama komandasy atalǵan jarysty eki altyn, eki kúmis jáne tórt qola júldemen aiaqtady.
Áielder arasynda qazaqstandyq jeńimpazdar men júldegerler tizimi kelesidei:
Altyn
Nazym Qyzaibai (50 kg)
Valentina Halzova (70 kg)
Kúmis
Dina Jolaman (54 kg)
Lázzat Kúigenbaeva (+81 kg)
Qola
Nadejda Riabets (75 kg)
Dariǵa Shákimova (66 kg)
Anastasiia Baiazitova (81 kg)
Rimma Volosenko (60 kg)
