Belgradta ótip jatqan bokstan álem chempionatynda qazaqstandyq Aslanbek Shymbergenov ekinshi kezeńge joldama aldy, dep habarlaidy "Ult aqparat".
1/32 ainalymda Aslanbek irandyq boksshy Farhad Moradige qarsy shyqqan bolatyn. Jekpe-jek bar bolǵany eki jarym minýtqa sozyldy.
Birinshi raýndtyń aiaqtalýyna 30 sekýnd qalǵanda irandyq boksshynyń qabaǵy jarylyp, dárigerler jekpe-jekti toqtatty.
Jarys erejesi boiynsha, dál osy kezde esepte alda turǵan boksshy kelesi ainalymǵa ótedi. Al tóreshiler 5:0 esebimen Shymbergenovti jeńimpaz dep tanydy.
Aita keteiik, Aslanbek Shymbergenovtiń kelesi qarsylasy - ózbekstandyq Shahram Giiasov.
Bas bapker Qairat Sátjanov álem chempionatyna 13 boksshy alyp bardy. Olardyń arasynda budan buryn Sáken Bibosynov (51 keli), Serik Temirjanov (57 keli), Abylaihan Júsipov (67 keli), Nurqanat Raiys (75 keli alǵashqy jekpe-jeginde jeńiske jetti.
Sondai-aq, aldaǵy kúnderde Temirtas Júsipov (48 keli), Mahmýd Sabyrhan (54 keli), Samatali Tóltaev (60 keli), Sanatali Tóltaev (63,5 keli), Nurbek Oralbai (80 keli), Aibek Oralbai (92 keli) men Nurlan Saparbai (92 keliden joǵary) el namysyn qorǵaidy.
Álem chempionaty 6 qarashada máresine jetedi.
