Qazaqstandyq boksshy Mahmýd Sabyrhan "Strandja" kýboginiń jeńimpazy atandy, dep habarlaidy "Ult aqparat" Olympic.kz saityna silteme jasap.
Boksshylar arasyndaǵy bairaqty báseke Bolgariianyń Sofiia qalasynda ótip jatyr.
54 kelige deiingi salmaqta baq synaǵan otandasymyz finalda jergilikti boksshy Iasen Radevpen kezdesýi tiis bolatyn. Alaida ol jaraqatyna bailanysty jarysty jalǵastyra almady. Bul týraly Bolgariia boks federatsiiasy málimdedi. Nátijesinde, Mahmud Sabyrhan atalmysh dodadan el qorjynyna ekinshi altyndy saldy.
Aita keterligi, buǵan deiin altyn medaldi Nazym Qyzaibai jeńip alǵan bolatyn.
