Otandasymyz Mahmýd Sabyrhan Iordaniia astanasy Amman qalasynda ótip jatqan bokstan Aziia chempionatynda kúmis medaldi qanaǵat tutty, dep habarlaidy "Ult aqparat".
Qurlyqtyq dodada 54 kelide baq synaǵan Mahmýd finalda filippindik Karlo Paalamnan jeńildi. Osylaisha, "Qazaqtyń Lomachenkosy" atanǵan bylǵary qolǵap sheberi Aziia chempionatynyń kúmis júldesine ie boldy.
Aita keteiik, budan buryn el quramasynan Sanjar Táshkenbai (48 keli) japoniialyq Aratake Kadzýmadan basym túsip, Aziia chempiony atanǵan edi.
Al Sáken Bibosynov (51 keli) ózbekstandyq Hasanboi Dýsmatovtan jeńilip, ekinshi orynǵa turaqtady.
Sondai-aq, Serik Temirjanov (57 kg) ózbekstandyq Abdýmalik Halokovqa ese jiberip, kúmisti mise tutty.
