Qazaqstandyq boksshy Nazym Qyzaibai «Strandj kýbogynyń» jartylai finalyna shyqty. Týrnir osy kúnderi Bolgariianyń astanasy Sofiiada ótip jatyr, dep habarlaidy QazAqparat Sports.kz saityna silteme jasap.
Shirek finalda Qyzaibai ispaniialyq sportshy Laýra Fýertes Fernandespen 50 kilogramǵa deiingi salmaq sanatynda jekpe-jekke shyǵyp, tóreshilerdiń biraýyz sheshimimen jeńiske jetti.
Qazaqstandyq 2014 jáne 2016 jyldary Qazaqstan men Ońtústik Koreiada eki dúrkin álem chempiony atanǵan.
Atap ótý kerek, búgin ringke taǵy úsh qazaqstandyq shyǵady: Balaýsa Mýzdiman (54 kilogramǵa deiingi salmaq sanatynda), Dina Jolaman (54 kilogramǵa deiingi salmaq sanatynda) men Karina Ibragimova (57 kilogramǵa deiingi salmaq sanatynda).
