Reseidiń Ekaterinbýrg qalasynda buǵan deiin jeńilip kórmegen qazaqstandyq kásipqoi boksshy Isa Aqberbaev (20-0, 15 KO) pen reseilik Evgenii Tishenkonyń arasynda jekpe-jek ótti, dep habarlaidy "Ult aqparat" Sports.kz saityna silteme jasap.
Birinshi aýyr salmaqtaǵy aiqas WBO Inter-Continental titýly úshin ótti.
Kezdesý 10 raýndqa eseptelgen bolatyn. Alaida, sońǵy mejesine deiin sozylǵan joq. Qazaqstandyq boksshy besinshi raýndta nokdaýnǵa túsip, kúshin joǵaltty. Keiin jetinshi raýndqa shyǵýdan múldem bas tartty. Osylaisha, Tishenko óziniń chempiondyq beldigin qorǵap qaldy jáne profi-ringtegi altynshy jeńisine qol jetkizdi. Al Isa Aqberbaev óz mansabynda alǵash ret utyldy.
Eske salsaq, Evgenii Tishenko buǵan deiin qazaqstandyq taǵy bir boksshy Vasilii Levitpen qolǵap túiistirgen bolatyn. 2016 jylǵy Olimpiadada tóreshilerdiń sheshimimen jeńis reseilik sportshyǵa berilgen edi. Alaida, keiin bul jeńis jankúierler men sport sarapshylarynyń arasynda daý týǵyzdy.
