رەسەيدٸڭ ەكاتەرينبۋرگ قالاسىندا بۇعان دەيٸن جەڭٸلٸپ كٶرمەگەن قازاقستاندىق كەسٸپقوي بوكسشى يسا اقبەرباەۆ (20-0, 15 كو) پەن رەسەيلٸك ەۆگەنيي تيششەنكونىڭ اراسىندا جەكپە-جەك ٶتتٸ, دەپ حابارلايدى "ۇلت اقپارات" Sports.kz سايتىنا سٸلتەمە جاساپ.
بٸرٸنشٸ اۋىر سالماقتاعى ايقاس WBO Inter-Continental تيتۋلى ٷشٸن ٶتتٸ.
كەزدەسۋ 10 راۋندقا ەسەپتەلگەن بولاتىن. الايدا, سوڭعى مەجەسٸنە دەيٸن سوزىلعان جوق. قازاقستاندىق بوكسشى بەسٸنشٸ راۋندتا نوكداۋنعا تٷسٸپ, كٷشٸن جوعالتتى. كەيٸن جەتٸنشٸ راۋندقا شىعۋدان مٷلدەم باس تارتتى. وسىلايشا, تيششەنكو ٶزٸنٸڭ چەمپيوندىق بەلدٸگٸن قورعاپ قالدى جەنە پروفي-رينگتەگٸ التىنشى جەڭٸسٸنە قول جەتكٸزدٸ. ال يسا اقبەرباەۆ ٶز مانسابىندا العاش رەت ۇتىلدى.
ەسكە سالساق, ەۆگەنيي تيششەنكو بۇعان دەيٸن قازاقستاندىق تاعى بٸر بوكسشى ۆاسيليي لەۆيتپەن قولعاپ تٷيٸستٸرگەن بولاتىن. 2016 جىلعى وليمپيادادا تٶرەشٸلەردٸڭ شەشٸمٸمەن جەڭٸس رەسەيلٸك سپورتشىعا بەرٸلگەن ەدٸ. الايدا, كەيٸن بۇل جەڭٸس جانكٷيەرلەر مەن سپورت ساراپشىلارىنىڭ اراسىندا داۋ تۋعىزدى.
