24 qazan men 6 qarasha aralyǵynda Belgradta áýesqoilar arasynda bokstan álem chempionaty ótedi. Onda qazaqstandyq boksshylar da óner kórsetedi, dep habarlaidy QazAqparat Sports.kz-ke silteme jasap.
Bul planetarlyq birinshiliktiń aldyńǵy birinshilikten basty aiyrmashylyǵy – júldegerlerge aitarlyqtai aqshalai syiaqy berilýinde. Óz tarihynda alǵash ret AIBA (Halyqaralyq boks federatsiiasy) birinshi oryn úshin boksshyǵa 100 myń dollar kóleminde syiaqy beredi, - dep habarlaidy Aiba.com.
Kúmis júldeger 50 myń AQSh dollaryn, al qola júldegerler 25 myń AQSh dollarynan alady. Álem chempionatynyń jalpy júlde qory 2 600 000 AQSh dollaryn qurady.
«Bul bizdiń boksshylar úshin úlken artyqshylyq bolatynyn bilemiz. Olar ringte tabysqa jetip qana qoimai, ózin-ózi qamtamasyz etýi kerek», — dedi AIBA prezidenti Ýmar Kremlev.
