24 قازان مەن 6 قاراشا ارالىعىندا بەلگرادتا ەۋەسقويلار اراسىندا بوكستان ەلەم چەمپيوناتى ٶتەدٸ. وندا قازاقستاندىق بوكسشىلار دا ٶنەر كٶرسەتەدٸ, دەپ حابارلايدى قازاقپارات Sports.kz-كە سٸلتەمە جاساپ.
بۇل پلانەتارلىق بٸرٸنشٸلٸكتٸڭ الدىڭعى بٸرٸنشٸلٸكتەن باستى ايىرماشىلىعى – جٷلدەگەرلەرگە ايتارلىقتاي اقشالاي سىياقى بەرٸلۋٸندە. ٶز تاريحىندا العاش رەت AIBA (حالىقارالىق بوكس فەدەراتسيياسى) بٸرٸنشٸ ورىن ٷشٸن بوكسشىعا 100 مىڭ دوللار كٶلەمٸندە سىياقى بەرەدٸ, - دەپ حابارلايدى Aiba.com.
كٷمٸس جٷلدەگەر 50 مىڭ اقش دوللارىن, ال قولا جٷلدەگەرلەر 25 مىڭ اقش دوللارىنان الادى. ەلەم چەمپيوناتىنىڭ جالپى جٷلدە قورى 2 600 000 اقش دوللارىن قۇرادى.
«بۇل بٸزدٸڭ بوكسشىلار ٷشٸن ٷلكەن ارتىقشىلىق بولاتىنىن بٸلەمٸز. ولار رينگتە تابىسقا جەتٸپ قانا قويماي, ٶزٸن-ٶزٸ قامتاماسىز ەتۋٸ كەرەك», — دەدٸ AIBA پرەزيدەنتٸ ۋمار كرەملەۆ.
