Foto: Pexels.com
Pavlodarda «Bogatyr kómir» qarjysyn jymqyrý faktisi anyqtaldy, dep habarlaidy Ult.kz.
Qarjy monitoringi agenttiginiń Pavlodar oblysy boiynsha departamenti «Bogatyr kómir» JShS-iniń qarjysyn jymqyrý deregi boiynsha sotqa deiingi tergep-tekserýdi bastady. Kásiporynnyń jarǵylyq kapitalynyń 50%-y «Samuryq-Qazyna» AQ-ǵa tiesili.
Tergeý materialdaryna súiensek, birqatar kommertsiialyq kompaniia basshylary buryn paidalanylǵan qosalqy bólshekterdi jańa ónim retinde jetkizý shemasyn uiymdastyrǵan. Bul zańsyz áreketke kásiporynnyń taýar qabyldaýǵa jaýapty qyzmetkeri de qatysqan. Ol talaptarǵa sai kelmeitin bólshekterdi esh kedergisiz ótkizip, olardyń sapasyn jalǵan túrde rastaǵan.
Eki jyl boiy jalǵan sáikestik sertifikattary arqyly reaktorlar, tsilindr bloktary, avtotirkemeler men tejegish júieleriniń bólshekteri kásiporynǵa «jańa» ónim retinde jetkizilip otyrǵan. Sonyń saldarynan «Bogatyr kómir» JShS-ine 123 mln teńge kóleminde zalal keltirilgen.
Qylmystyq jolmen alynǵan qarajat bailanysy bar kompaniialar men jeke kásipkerler arqyly jalǵan kelisimsharttar negizinde ainalymnan shyǵarylyp, qolma-qol aqshaǵa ainaldyrylǵan. Tintý barysynda kúdiktilerden 27 mln teńge tárkilendi.
Sottyń sanktsiiasymen kúdiktilerdiń alty avtokóligine, onyń ishinde «Cadillac Escalade», «Range Rover» jáne «Toyota Land Cruiser 250» markaly kólikterine tyiym salyndy. Úsh adam qamaýǵa alyndy.
Tergeý jalǵasyp jatyr. QR QPK-niń 201-babyna sáikes ózge aqparat jariialanbaidy.
