Astana halyqaralyq forýmy men Boao Aziia forýmy arasynda ózara túsinistik týraly memorandýmǵa qol qoiyldy. Bul týraly Aqordanyń baspasóz qyzmeti habarlady.
Prezident Qasym-Jomart Toqaevtyń Boao Aziia forýmynyń sessiiasyna qatysýy barysynda Astana halyqaralyq forýmy (AIF) men BFA arasynda ózara túsinistik týraly memorandýmǵa qol qoiyldy.
Taraptar halyqaralyq jáne óńirlik kún tártibin birlesip ilgeriletýge, sondai-aq úzdik álem qurý jolyndaǵy kópjaqty seriktestik pen ujymdyq jaýapkershilikti nyǵaitý jónindegi jahandyq sharalardy qoldaýǵa nietti. AIF jáne BFA eki dialog alańynyń kúsh-jigerin biriktirip, ortaq maqsatty kózdeitin birqatar is-shara ótkizýdi josparlap otyr.
Buǵan deiin habarlaǵanymyzdai, Qasym-Jomart Toqaev jyl saiyn Qytaidyń Hainan provintsiiasynda ótetin Boao Aziia forýmynyń (BAF) plenarlyq sessiiasynyń ashylý rásimine qatysty. Biylǵy 23-shi forým «Aziia jáne álem: ortaq syn-qaterler, ortaq jaýapkershilik» degen taqyrypta ótip jatyr. Qazaqstan Prezidenti atalǵan forýmda qurmetti qonaq retinde sóz sóiledi.
Sondai-aq Memleket basshysy BUU-nyń 8-shi Bas hatshysy, Boao Aziia forýmynyń tóraǵasy, Jahandyq jasyl damý institýty (GGGI) Assambleiasynyń Prezidenti Pan Gi Mýnmen kezdesý ótkizdi.
