Resei munaiynyń baǵasy keiingi 2,5 jyldaǵy eń tómen deńgeige tústi, dep habarlaidy Ult.kz Azattyq radiosyna silteme jasap.
13 qarashada Novorossiisk porty arqyly eksporttalatyn reseilik Urals markaly munaidyń baǵasy keiingi eki jarym jyldaǵy eń tómengi deńgeige túsip, bir barreli 36,61 dollar bolǵan. Bloomberg agenttigi mundai aqparatty Argus Media derekterine súienip habarlady.
Baltyq teńizindegi porttardan jóneltiletin munai baǵasy da osyǵan uqsas shamada bolǵan. Agenttik málimetinshe, 14 qarashada eki baǵyt boiynsha da baǵa azdap ósken.
Resei munaiy qazan aiynyń aiaǵynan bastap arzandai bastaǵan. Buǵan reseilik "Rosneft" jáne "Lýkoil" kompaniialaryna qarsy AQSh sanktsiialar engizgeni týraly habar sebep bolǵan.
Bul shekteýler 21 qarashada kúshine enbek. Osyǵan bailanysty Qytai, Úndistan jáne Túrkiiadaǵy birqatar munai óńdeý zaýyttary reseilik munaidy satyp alýdy ýaqytsha toqtatyp, balama jetkizý kózderin izdei bastaǵan dep jazdy Bloomberg.
