Almaty ákimi onlain brifing barysynda blokposta bolǵan apattan qaitys bolǵan eki politsiia qyzmetkeriniń otbasyna qandai kómek kórsetiletinin aitty, dep habarlaidy "Ult aqparat".
Qala ákimi kóz jumǵan politsiia qyzmetkerleriniń otbasylaryna kóńil aitty.
«Óte ókinishti jaǵdai. Otbasy men týystaryna qaiǵylaryna ortaqtasyp kóńil aitamyn. Qala ákimdigi bul baǵytta jumys jasady. Kásipkerler tarapynan eki otbasyǵa 2 páter alyp berý týraly oilastyryp jatyrmyz. Sondai-aq, týystar tarapynan aitylǵan barlyq qarjylyq máselelerge barynsha kómek kórsetetin bolamyz», - dedi Baqytjan Saǵyntaev.
Eske salsaq, 25 mamyrda eki politsiia qyzmetkeri qaza tapqan Almaty oblysyndaǵy blokpostaǵy qaiǵyly oqiǵa bailanysty 3 laýazymdy qyzmetkerdiń jumystan ketkeni týraly habarlaǵan bolatynbyz.
Qaiǵyly oqiǵa 25 mamyr kúni tańǵa jýyq № 4 blokposta bolǵan. BMW júrgizýshisi mas kúiinde beton qorshaýǵa soǵylyp, sol ekpinimen patrýldik politsiia kóligin qaqqan. Sonyń kesirinen eki politsiia qyzmetkeri kóz jumdy. Úshinshi politsiia qyzmetkeri jansaqtaý bóliminde jatyr. Apatqa kináli júrgizýshi buryn politsiiada jumys istegen.
Al búgin QR IIM basshysy Erlan Turǵymbaev osy oqiǵaǵa bailanysty PD birqatar laýazymdy tulǵasyn qyzmetinen bosatty. PD basshysy men resmi ókilineqatań sógis jariialandy
