Blokpostaǵy kólik apatynan qaza tapqan politseilerdiń biriniń ákesi júrgizýshiden 3,8 mln teńge talap etti, dep habarlaidy "Ult aqparat".
Sot otyrysynda jol apatynan kóz jumǵan politsiia qyzmetkeri Dastan Ábdiqanovtyń ákesi aiyptalýshy, eks-politsei Azamatov pen onyń týystary odan keshirim suramaǵanyn aitty.
Sonymen qatar, ol ulynyń jerleý rásimine ketken 2,8 mln teńge men moraldyq ótemaqy retinde taǵy bir million teńgeniń ornyn toltyrýdy talap etti.
Sotta qaza tapqan ekinshi politsei Jaras Janǵazievtyń jesiri de sóiledi. Ol óziniń kámeletke tolmaǵan úsh balasy bar ekenin aityp, 22,8 mln teńge surady.
Azat Azamatovqa qatysty isti Qarasai aýdandyq sotynyń sýdiasy Mádi Kóshekbaev qarap jatyr.
Aita keteiik, biz buǵan deiin Azat Azamatovtyń óz kinásin tolyq moiyndaǵanyn jazǵan bolatynbyz. Marqum Dastan Ábdiqanovtyń áieli Dinara Aman apatqa kináli adamnan moraldyq ziian keltirgeni úshin 37 mln teńge ótemaqy talap etken edi.
Eske sala keteiik, 25 mamyr kúni tańǵy saǵat 05:26 shamasynda BMW markaly kólikti tizgindegen 28 jastaǵy júrgizýshi mas kúiinde blokpostaǵy politsiia kóligin soqty. Sol jerde eki politsiia qyzmetkeri kóz jumdy.
Kýágerlerden jaýap alý jalǵasyp jatyr.
