Almaty oblysynda blokposty qiratyp, 2 politsiia qyzmetkerin óltirgen BMW júrgizýshisine qatysty tergeý amaldary jalǵasyp jatyr, dep habarlaidy "Ult aqparat".
«28 mamyrda jol apatyna bailanysty Azamatov A.T qatysty sotqa deiingi tergeý isi bastaldy. Onyń is-áreketine bailanysty QR QK 345-babynyń 4-bólimimen (mas kúiinde kólik aidap, eki nemese odan kóp adamnyń qazasyna ákelgen jol apatyn týdyrý) qylmystyq is qozǵaldy», - dedi Almaty oblystyq prokýratýrasynan.
Oǵan deiin qylmystyq is QR QK 99-babynyń 2-bólimimen klassifikatsiialanǵan bolatyn.
Eske salaiyq, 25 mamyr tańǵy saǵat 05:26-da BMW markaly kóliktiń 28 jastaǵy júrgizýshisi mas kúiinde blokpostaǵy politsiia kóligine soǵyldy.
Saldarynan eki politsiia qyzmetkeri kóz jumdy.
Al zardap shekken úshinshi politsei jaqynda aýrýhanada esin jidy.
QR Ishki ister ministri Erlan Turǵymbaev qylmystyq istiń mán-jaiyn tergeýdi Ishki ister ministrligi ózine alǵanyn málim etti.
Jaqynda politsiia departamenti kúdikti týraly maǵlumat taratqan bolatyn.
Olardyń málimdeýinshe, kúdikti qylmys bolardan 4 kún buryn qyzmetinen bosatylǵan.
Sondai-aq, jaraqat alǵan politsiia qyzmetkeri aýrýhanadan shyqqan.
