Blok-beketterden tamyr-tanys arqyly ótý múmkin emes. Bul týraly Nur-Sultan qalasy Politsiia departamentiniń basshysy Erjan Sádenov málim etti, dep habarlaidy QazAqparat.
Habar 24 telearnasynda ótken onlain brifingide tilshiler blok-beketterden tamyr-tanys arqyly ótý múmkin degen aqparat taraǵanyn, osy oraida bul qaýeset qanshalyqty shyndyqqa janasatynyn surady.
«Osy tektes jalǵan aqparattar taraǵan bolatyn. Biz osyndai jalǵan aqparat taratqandardy izdep tabamyz. Bizde jeke qaýipsizdik basqarmasy bar. Osyndai ár málimetti tolyq ári naqty tekseremiz. Jalpy, ondai faktiler joq, bolýy da múmkin emes dep sendirgim keledi», - dedi E. Sádenov.
Budan buryn habarlanǵandai, elordada karantin rejimin buzǵan 300-den astam adam jaýapqa tartyldy.
Belgili bolǵandai, blok-beketterde 98 adam jazaǵa tartyldy, onyń ishinde 80 adam qamaldy, 14 adamǵa aiyppul salyndy, 4 is sotta qaralýda.
Sonymen qatar, qalada 30 avtokólik arnaiy aiyppul turaǵyna qoiyldy.
