بلوك-بەكەتتەردەن تامىر-تانىس ارقىلى ٶتۋ مٷمكٸن ەمەس. بۇل تۋرالى نۇر-سۇلتان قالاسى پوليتسييا دەپارتامەنتٸنٸڭ باسشىسى ەرجان سەدەنوۆ مەلٸم ەتتٸ, دەپ حابارلايدى قازاقپارات.
حابار 24 تەلەارناسىندا ٶتكەن ونلاين بريفينگٸدە تٸلشٸلەر بلوك-بەكەتتەردەن تامىر-تانىس ارقىلى ٶتۋ مٷمكٸن دەگەن اقپارات تاراعانىن, وسى ورايدا بۇل قاۋەسەت قانشالىقتى شىندىققا جاناساتىنىن سۇرادى.
«وسى تەكتەس جالعان اقپاراتتار تاراعان بولاتىن. بٸز وسىنداي جالعان اقپارات تاراتقانداردى ٸزدەپ تابامىز. بٸزدە جەكە قاۋٸپسٸزدٸك باسقارماسى بار. وسىنداي ەر مەلٸمەتتٸ تولىق ەرٸ ناقتى تەكسەرەمٸز. جالپى, ونداي فاكتٸلەر جوق, بولۋى دا مٷمكٸن ەمەس دەپ سەندٸرگٸم كەلەدٸ», - دەدٸ ە. سەدەنوۆ.
بۇدان بۇرىن حابارلانعانداي, ەلوردادا كارانتين رەجٸمٸن بۇزعان 300-دەن استام ادام جاۋاپقا تارتىلدى.
بەلگٸلٸ بولعانداي, بلوك-بەكەتتەردە 98 ادام جازاعا تارتىلدى, ونىڭ ٸشٸندە 80 ادام قامالدى, 14 ادامعا ايىپپۇل سالىندى, 4 ٸس سوتتا قارالۋدا.
سونىمەن قاتار, قالادا 30 اۆتوكٶلٸك ارنايى ايىپپۇل تۇراعىنا قويىلدى.
